Ўртача тинчлантирувчи ва спазмолитик таъсир кўрсатади. Бундан ташқари, ўт-сафро ҳайдовчи фаолликни намоён этади, меъда-ичак йўллари шиллиқ қаватининг секрециясини кучайтиради, юрак уришини камайтиради ва қон томирларини кенгайтиради.

Қўлланилиши:

Асаб қўзғалувчанлиги, уйқусизлик, мигрен, юрак-томир тизимининг енгил функционал бузилишлари, меъда-ичак йўлларининг спазмаларини даволашда (мажмуавий даволаш таркибида) қўлланади.

Қўллаш усули:

Ичга қабул қилинади, катталарга 20-30 томчидан кунига 3-4 марта, болаларга ёшига мувофиқ (бола неча ёш бўлса, шунча томчидан) буюрилади.

Ножўя таъсирлари:

Уйқучанлик, тушкунликка тушиш, иш қобилиятининг пасайиши юз бериши мумкин, баъзан аллергик реакциялар бўлиши мумкин.

Қўллаш мумкин бўлмаган ҳолатлар:

Препаратга юқори сезувчанлик.

Дориларнинг ўзаро таъсири:

Тинчлантирувчи, ухлатувчи, ва юрак препаратлари, шунингдек спазмолитикларнинг таъсирини кучайтиради.

Маҳсус кўрсатмалар:

Даволаш даврида автотранспортни ҳайдашда ва бошқа диққатни юқори жамлашни ва тезкор психомотор реакцияларни талаб қилувчи потенциал хавфли фаолият турлари билан шуғулланишда эҳтиёткорликка риоя қилиш лозим. Валериана настойкасини шифокорнинг маслаҳатисиз мустақил 4 ҳафтадан ортиқ қабул қилиш мумкин эмас.

Препарат болалар олаолмайдиган жойда сақлансин ва яроқлилик муддати ўтганидан кейин ишлатилмасин.

Дозани ошириб юборилиши:

Сақлаш шароити: Ёруғликдан ҳимояланган жойда 25⁰ С дан юқори бўлмаган ҳароратда.

Яроқлилик муддати: 5 йил.

Дорихоналардан бериш тартиби: Рецептсиз.